Heta naohuł katastrofa — Łukašenka pra apošnija dasiahnieńni biełarusaŭ u sporcie
Alaksandr Łukašenka čakaje ad biełaruskich spartsmienaŭ vystupu na Alimpijadzie-2016 u Rya-de-Žaniejra na ŭzroŭni, adekvatnym układzienym siłam i srodkam.
Pra heta jon zajaviŭ siońnia ŭ čas naviedvańnia Nacyjanalnaha alimpijskaha kamiteta Biełarusi.
«Nie tak, jak na apošnich čempijanatach śvietu. Heta naohuł katastrofa, samyja miedalnyja vidy sportu — my tam prosta cielapajemsia», — skazaŭ kiraŭnik dziaržavy.
Łukašenka padkreśliŭ, što majučyja adbycca letnija Alimpijskija hulni ŭ Rya-de-Žaniejra buduć najsurjoznym ispytam dla kožnaha atleta i treniera, dla ŭsioj spartyŭnaj haliny.
«Ciapier u nas u hetaj śfiery robicca faktyčna ŭsio, što patrabujecca. Nam vielmi nie prosta dajecca kožny rubiel, jaki my tudy nakiroŭvajem. Tamu biełaruski narod maje prava raźličvać na naležnuju addaču», padkreśliŭ jon.
Kiraŭnik dziaržavy adznačyŭ, što čakaje ad spartsmienaŭ zavajavańnia choć by takoj kolkaści miedaloŭ, jakaja była na papiarednich bujnych startach. «I vy heta zrabić možacie. Tamu rychtujciesia vielmi surjozna, —kazaŭ biełaruski lidar. — My za vas za ŭsich pieražyvajem. Tamu nie addavajcie svajo!» «Inakš što heta za baraćba, kali vy vychodzicie na kilim, zahadzia prajhraŭšy pajadynak?».