NATA adkryvaje ŭ Kijevie paŭnavartasnaje pradstaŭnictva
U Kijevie adkryjecca paŭnavartasnaje pradstaŭnictva NATA. Adpaviedny ŭkaz padpisali ministr zamiežnych spraŭ Ukrainy Pavieł Klimkin i hienieralny sakratar aljansu Jens Stołtenbierh. Na cyrymonii padpisańnia prysutničaŭ prezident Ukrainy Piatro Parašenka.
«Heta publičnaja, vielmi jarkaja demanstracyja toj uvahi i źmieny staŭleńnia z boku NATA da Ukrainy», — zajaviŭ Parašenka na cyrymonii.
Da hetaha času va Ukrainie dziejničaŭ tolki infarmacyjny centr aljansu.
Taksama ŭ aŭtorak Ukraina i NATA skłali darožnuju kartu ab supracoŭnictvie ŭ śfiery stratehičnych kamunikacyj i padpisali sumiesnuju dekłaracyju ab uzmacnieńni techničnaha supracoŭnictva.
«Heta kankretnyja kroki pa supracoŭnictvie. Ukraina ciapier maje patrebu nie ŭ śmiarotnaj zbroi, a ŭ mahčymaści efiektyŭnaj abarony svajoj terytoryi, abarony našaj niezaležnaści», — prakamientavaŭ padpisańnie dakumientaŭ Piatro Parašenka.