Vienhierskaja kampanija apublikavała eskizy Nacyjanalnaha stadyjona ŭ Minsku FOTA
Vienhierskaja architekturnaja kampanija «4D Architects» apublikavała eskizy Nacyjanalnaha futbolnaha stadyjona ŭ Minsku, jaki płanujecca pabudavać u parku 50-hodździa kastryčnika.
Dyrektar firmy, jakaja ŭdzielničaje ŭ konkursie, Jožef Kosa raspavioŭ pra padrabiaznaści prajekta.
«My razumieli ŭsie składanaści kankurencyi z kitajskaj kampanijaj, ale my prydumali kancepcyju, jakuju niemahčyma pieramahčy. My ŭziali za asnovu stadyjon u Debrecenie, pabudavany ŭ minułym hodzie i jaki atrymaŭ pryznańnie ŭ śviecie», — raspaviadaje dyrektar arhanizacyi.
Kosa taksama skazaŭ, što košt budaŭnictva budzie składać 81 miljon jeŭra. Asnoŭnaja rola hienpadradčyka była pieradadziena biełaruskaj kampanii, jakaja taksama moža kankuravać pa svaich prapanovach z zamiežnymi budaŭnikami, paviedamlaje Jeŭraradyjo sa spasyłkaj na tribuna.com.
