Palicyja ZŠA aryštavała saudaŭskaha prynca
U ZŠA pa padazreńni ŭ prymusie da seksu aryštavany saudaŭski prync Madžyd Abduł-Aziz al Saud.
Pavodle dadzienych palicyi Łos-Andželesa, prynca aryštavali ŭ sieradu i adpuścili na volu na nastupny dzień pad zakład u 300 tysiač dalaraŭ.
Jak paviedamlaje Los Angeles Times, palicyjanty prybyli na miesca zdareńnia ŭ adzin z damoŭ na terytoryi Bievierli-Chiłz paśla taho, jak susied prynca ŭbačyŭ skryvaŭlenuju žančynu, jakaja klikała na dapamohu i sprabavała zabracca na płot, što aharodžvaŭ pryvatnuju terytoryju.
Jak miarkujecca, heta była pakajoŭka prynca. Ciapier Madžyda Abduł-Aziz al Sauda padazrajuć u tym, što jon prymušaŭ žančynu da aralnaha seksu.
Madžyd Abduł-Aziz al Saud pavinien paŭstać pierad sudom 19 kastryčnika.