Kiraŭnica MVF paraiła Łukašenku «pieraaryjentavać palityku»
Dyrektarka-rasparadčyca Mižnarodnaha valutnaha fondu (MVF) Kryścina Lahard padčas abmierkavańnia mahčymych kredytaŭ rekamiendavała Alaksandru Łukašenku «pieraaryjentavać palityku» krainy, paviedamiła ŭ niadzielu pres-słužba MVF.
Jak udakładnili ŭ MVF, Lahard pryvitała «niekatory prahres», dasiahnuty ŭ apošni čas va ŭmacavańni ramačnaj palityki ŭ Biełarusi, ale padkreśliła, što dla adnaŭleńnia stabilnaści i pastupalnaha rostu nieabchodnaja «bolš hłybokaja pieraaryjentacyja palityki, što ŭvieś čas padtrymlivajecca na samym vysokim uzroŭni».
Łukašenka, sa svajho boku, padziakavaŭ kiraŭnictvu MVF za paśpiachovuju realizacyju prahramy «stend-baj» u 2009—2010 hadach, paviedamiła pres-słužba kiraŭnika Biełarusi. Hetaja prahrama dazvoliła źmiakčyć niehatyŭnyja nastupstvy vonkavaha ekanamičnaha kryzisu.
Lahard i Łukašenka sustrelisia 26 vieraśnia ŭ Ńju-Jorku ŭ ramkach Hienieralnaj asamblei AAN, kab abmierkavać mahčymaść novaha kredytu MVF našaj krainie. Biełaruś raźličvaje pryciahnuć kredyt da $3 młrd ad MVF.
U žniŭni staršynia praŭleńnia Nacbanka respubliki Pavieł Kałaŭr zajaviŭ, što suma mahčymaha kredytu MVF u pamiery $2—3 młrd najbolš prymalnaja dla vyrašeńnia prablem z płaciežnym bałansam Biełarusi.
Sa studzienia 2009 hoda pa krasavik 2010 hoda Biełaruś realizavała prahramu «stend-baj», padtrymanuju kredytam MVF na $3,5 młrd. U sakaviku 2015 kraina zaviaršyła pahašeńnie hetaha kredytu.