U Baranavičach 30 fanataŭ zatrymali ŭ momant, kali jany dałučylisia da pikieta suprać rasijskaj avijabazy
Inšych udzielnikaŭ pikieta nie čapali, a voś fanatam zajavili, što «niama čaho švendacca pa horadzie».
Pikiet prachodziŭ 27 vieraśnia ŭ parku imia 30-hodździa VŁKSM. Jaho pravodziŭ aktyvist kampanii Taćciany Karatkievič Ryhor Hryk.
Pravaabaronca Siarhiej Hoŭša raskazaŭ, što pa darozie na futbolny matč FK «Baranavičy» — FK «Biaroza» da miesca praviadzieńnia pikieta padyšli baranavickija futbolnyja fanaty.
«Jany nie kryčali, nie bilisia, prosta padyšli i pacikavilisia, što za pikiet, — raskazaŭ haziecie « Inteks-pres» Ryhor Hryk. — U hety čas z boku fantana raptam pryjechaŭ aŭtazak, i milicyjanty zahadali fanatam «hruzicca» ŭ mašynu».
Supracoŭniki milicyi skazali Hoŭšu, što dastaviać fanataŭ na mašynie na stadyjon, bo «niama čaho im švendacca pa horadzie». Adnak zatrymanyja zaŭziatary na futbolnym matčy nie źjavilisia — ich siektar byŭ pusty.
Inšych udzielnikaŭ pikieta nie čapali.