«Iźviestija»: Łukašenka vydzieliŭ $2 młn na film «Narmandyja-Nioman» z Depardjo
Andrej Stasievič, BiełTA
Alaksandr Łukašenka vydzieliŭ $2 młn na stvareńnie filma «Narmandyja—Nioman» z udziełam Žerara Depardjo, pišuć «Iźviestija».
Pra heta raspavioŭ kiraŭnik Dziaržfilmfonda Mikałaj Baradač, jaki pradstaŭlaje Rasiju ŭ mižnarodnym prajekcie.
Baradač dadaŭ, što francuzski akcior i rasijski hramadzianin Depardjo nie budzie hrać u filmie adnu z hałoŭnych rolaŭ.
«U Depardjo budzie druharadnaja rola. Pakul składana dakładna skazać jakaja. Chutčej za ŭsio, jon syhraje miechanika abo padobnaha piersanaža», — padkreśliŭ hiendyrektar.
Niadaŭna Depardjo pabyvaŭ u haściach u Łukašenki. Kadry ź jahonaha vizitu faktyčna vykarystoŭvalisia dla pieradvybarčaha pijaru kiraŭnika Biełarusi.