Pamior aŭtar detektyvaŭ Chieninh Mankiel
Va ŭzroście 67 hadoŭ pamior šviedski piśmieńnik Chieninh Mankiel. Pra heta paviedamlaje hazieta The Guardian sa spasyłkaj na vydaŭca.
U 2014 hodzie ŭ piśmieńnika dyjahnastavali rak. «Jon adyšoŭ minułaj nočču ŭ suviazi z chvarobaj», — paviedamiła vydaviectva «Leapard Forłah».
Mankiel — aŭtar viadomych detektyvaŭ pra inśpiektara palicyi Kurta Vałandera, jakija vychodzili z 1991 hoda pa 2009 hod. Piśmieńnik byŭ adnym ź lidaram tak zvanaha skandynaŭskaha nuara.
Mankiel naradziŭsia ŭ siamji sudździ. Jon nie bačyŭ svajoj maci, bo jana pamierła praz hod paśla jaho naradžeńnia. Byŭ čatyry razy žanaty. Apošni jaho šlub — na Jevie Bierhman, dačce režysiora Inhmara Bierhmana, jaki, pa dadzienych vydańnia, lubiŭ knihi Mankiela.