Aŭstryja pabuduje płot ad mihrantaŭ na miažy sa Słavienijaj
Jak zajaviła ministr unutranych spraŭ Aŭstryi Jochana Mikl-Lajtner, na prapusknych punktach na miažy pamiž Aŭstryjaj i Słavienijaj źjaviacca novyja zaharadžalnyja barjery, a ŭzdoŭž miažy krain budzie pabudavany płot.
«Meta hetaha kroku — nie zakryć miažu, a zabiaśpiečyć kantralavany i sparadkavany ŭjezd [mihrantaŭ] u našu krainu», — zajaviła Mikl-Lajtner u intervju miascovaj teleradyjokampanii Oe1.
Tydzień tamu ŭłady Słavienii pačali puskać u krainu biežancaŭ z terytoryi susiedniaj Charvatyi. Pierad hetym Słavienija aficyjna abmiežavała kolkaść mihrantaŭ, jakim budzie dazvoleny ŭjezd u krainu. Uviedzieny štodzionny limit u pamiery 2,5 tysiačy čałaviek.
Aŭstryja ŭpuskaje ŭ krainu tolki pa 1500 čałaviek u dzień. Pry hetym, paśla taho, jak Vienhryja zakryła svaju miažu z Charvatyjaj, Słavienija zastałasia adzinym punktam tranzitu ŭ Zachodniuju Jeŭropu dla prybyvajučych biežancaŭ.
Jak paviedamlajecca, situacyja na słavienska-aŭstryjskaj miažy chaatyčnaja. Tysiačy biežancaŭ toŭpiacca vakoł dracianoha płota, jaki abaraniaje łancužok niaŭzbrojenaj achovy. Biežancaŭ prapuskajuć hrupami prykładna pa 10 čałaviek. Paviedamlajecca, što ŭ noč na sieradu niekalki mihrantaŭ pierabralisia praz płot nielehalna.