BATE adpraviŭsia na matč z «Barsiełonaj»
Siońnia ranicaj biełaruski kłub adpraviŭsia na matč 4-ha tura hrupavoha raŭndu Lihi čempijonaŭ suprać katałonskaj «Barsiełony». Hulnia projdzie ŭ sieradu na stadyjonie «Kamp Noŭ» i pačniecca ŭ 22.45 pavodle minskaha času.
fcbate.by
Trenierski štab BATE na čale z Alaksandram Jermakovičam raźličvaje ŭ vyjaznym supraćstajańni na 20 futbalistaŭ, paviedamlaje aficyjny sajt biełaruskaha kłuba.
bramniki: Arciom Saroka, Siarhiej Černik;
abaroncy: Maksim Vaładźko, Vital Hajdučyk, Kaspar Dubra, Filip Mładenavič, Niemania Miłunavič, Dzianis Palakoŭ;
paŭabaroncy: Illa Aleksijevič, Alaksandr Vaładźko, Alaksandr Hleb, Alaksandr Karnicki, Niomania Nikalič, Edhar Alachnovič, Ihar Stasievič, Alaksiej Ryas, Jaŭhien Jabłonski;
forvardy: Michaił Hardziajčuk, Dźmitryj Mazaleŭski, Alaksandar Jeŭtyč.
Pa-za śpisam zastalisia Vital Radzivonaŭ, Mikałaj Sihnievič i Maksim Žaŭnierčyk.
A 10.00 samalot «Boinh-737» uźniaŭsia ŭ pavietra ŭziaŭ kurs na Pireniejski paŭvostraŭ. Praz čatyry hadziny «žoŭta-sinija» pryziamlacca ŭ Barsiełonie, dzie raźmieściacca ŭ hateli Hesperia Tower.
Nahadajem, što dva tydni tamu BATE ŭ Barysavie prajhraŭ «Barsiełonie» ź likam 0:2.
U pieršym tury hrupavoha raŭndu biełaruski kłub prajhraŭ «Bajeru» ŭ haściach ź likam 1:4, a ŭ druhim tury doma pieramoh «Romu» — 3:2.
Paśla 3-ch turaŭ: Barsiełona — 7, Bajer — 4, BATE — 3, Roma — 2.