Kadyraŭ padaryŭ KVKšnikam pasady va ŭradzie Čačni
Kiraŭnik Čačni Ramzan Kadyraŭ u honar Dnia KVK, jaki adznačajecca 8 listapada, pryznačyŭ členaŭ respublikanskaj kamandy Kłuba viasiołych i kiemlivych na pasady va ŭradzie i zakanadaŭčym schodzie respubliki.
«Ja ščyra pavinšavaŭ kamandu KVK, pažadaŭ ščaścia i ŭdačy! Nu a pośpiech na samaj spravie nie prymusiŭ čakać. U samym kancy sustrečy ŭsie 11 vieteranaŭ KVK atrymali pracu va ŭradzie, parłamiencie i ŭ ministerstvach respubliki. Upeŭnieny, što jany chutka adaptujucca da novych umoŭ i prajaviać siabie ź lepšaha boku», — paviedamiŭ Kadyraŭ na svajoj staroncy ŭ sacyjalnaj sietcy «Ukantakcie».
Paviedamlajecca, što «padarunak» ad kiraŭnika Čačni atrymali 11 vieteranaŭ kamandy KVK Čačenskaj respubliki.
Ab pryznačeńni Kadyraŭ paviedamiŭ kamandzie ŭ niadzielu ŭviečary na śviatočnaj sustrečy z členami kamandy. Ramzan Kadyraŭ źjaŭlajecca hanarovym prezidentam kamandy KVK Čačenskaj Respubliki.
Uletku hetaha hoda Kadyraŭ pryznačyŭ kiraŭnikom administracyi kiraŭnika i ŭrada Čačenskaj Respubliki svajho 27-hadovaha plamieńnika — Isłama Kadyrava, jaki raniej zajmaŭ pasadu mera Hroznaha.