Pieršaja achviara tonkaha ldu
Ilustracyjnaje fota, Tut.by
Pieršaja achviara tonkaha ldu zarehistravanaja ŭ Viciebskaj vobłaści, paviedamili ŭ abłasnoj arhanizacyi Asvod.
Cieła 53-hadovaha žychara vioski Chodcy ŭ Sieńnienskim rajonie vyjavili vadałazy ranicaj 29 listapada za 20 m ad bieraha. Zaniepakojenyja prapažaj svajaki pačali pošuki i na lodzie miascovaha voziera znajšli jaho šapku. Tady i vyklikali śpiecyjalnyja słužby.
«Abstaviny zdareńnia jašče vyśviatlajucca. Nieviadoma, ci pajšoŭ mužčyna pozna ŭviečary 28 listapada ci pad ranicu, navošta jon vyjšaŭ na lod — pablizu nie było znojdziena rybałoŭnych pryładaŭ. Mahčyma, jon chacieŭ zrezać šlach, ale lod byŭ vielmi tonkim — 2-3 sm», — dadali ŭ Asvodzie.
Biaśpiečnym dla čałavieka ličycca lod taŭščynioj nie mienš za 7 sm.