Žychar Hrodna pryjšoŭ u budynak suda i zajaviŭ, što ŭ jaho bomba
Hrodzienca pakarajuć za žart pra bombu ŭ budynku suda, paviedamiŭ načalnik pres-słužby UUS Hrodzienskaha abłvykankama Jaŭhien Dudko.
Žychar Hrodna 16 śniežnia pryjšoŭ u sud Kastryčnickaha rajona Hrodna. Achoŭnik na ŭvachodzie pacikaviŭsia, što znachodzicca ŭ jaho ŭ pakiecie, na što 40-hadovy mužčyna vyrašyŭ pažartavać i adkazaŭ: «Bomba». Žartaŭnika adrazu ž zatrymali, na miesca vyjechała śledča-apieratyŭnaja hrupa.
Jak vyśvietliłasia, dziŭnym pradmietam u pakiecie akazałasia mietaličnaja skrynka ź dźviuma zaradnymi pryładami dla telefonaŭ, jakaja niebiaśpieki nie ŭjaŭlała.
Raspačataja kryminalnaja sprava pa č.1 art 340 (zaviedama iłžyvaje paviedamleńnie ab niebiaśpiecy). Sankcyi pa dadzienym artykule praduhledžvajuć jak štraf, tak i pazbaŭleńnie voli na termin da 5 hadoŭ, rastłumačyŭ Jaŭhien Dudko.