Pjany kiroŭca naśmierć źbiŭ žančynu na vyjeździe ź Minska
Uviečary 1 studzienia niećviarozy kiroŭca za rulom Volvo naśmierć źbiŭ žančynu 1983 hoda naradžeńnia. Avaryja adbyłasia na trasie Minsk—Hrodna nasuprać vioski Tarasava. Ad atrymanych traŭmaŭ žančyna pamierła na miescy zdareńnia. A kiroŭca, 42-hadovy minčuk, ź miesca DTZ źjechaŭ.
Žančyna stajała na ŭzbočynie darohi. Pry hetym na vopratcy ŭ jaje byli śviatłoadbiŭnyja elemienty.
Vinavataha avaryi ŭdałosia apieratyŭna vyličyć dziakujučy vidavočcu DTZ, jaki paśpieŭ zapomnić marku aŭtamabila. Mužčynu zatrymali za 1,5 km ad miesca zdareńnia — u vioscy Tarasava. Miedycynski ahlad pakazaŭ u jaho kryvi bolš za 3 pramile ałkaholu.
Mužčynu pahražaje turemny termin, raspačata kryminalnaja sprava.