Pjany žychar Hrodna zarezaŭ sabaku, raspačata kryminalnaja sprava
Sprava za žorstkaje abychodžańnie z žyviołami pa art. 339-1 KK raspačata ŭ dačynieńni da 29-hadovaha žychara Hrodna.
Jak paviedamlaje UUS Hrodzienskaha abłvykankama, biespracoŭny zarezaŭ dvarovaha sabaku. Budučy pjanym, jon pryvioŭ žyviołu ŭ svaju kvateru na čaćviortym paviersie, nakarmiŭ, paśla čaho pazbaviŭ jaje žyćcia na bałkonie, kryvioju była zalitaja ŭsia ściana. Pieradśmiarotnyja kryki žyvioły čuli susiedzi.