U Rasii raźbiŭsia čarhovy źniščalnik MiH-31
Źniščalnik MiH-31 paciarpieŭ krušeńnie ŭ Krasnajarskim krai, ekipaž katapultavaŭsia i vyjšaŭ na suviaź. Pra heta paviedamili ŭ pres-słužbie Minabarony RF.
«Siońnia ŭ Krasnajarskim krai pry vykanańni płanavaha vučebna-trenirovačnaha palotu adbyłasia avaryja samalota MiH-31. Źniščalnik abjadnańnia VPS i SPA Centralnaj vajennaj akruhi ŭ chodzie adpracoŭki vučebna-trenirovačnaj zadačy straciŭ kiravańnie i ŭpaŭ u lasistaj miascovaści ŭ 40 kiłamietrach na paŭnočny zachad ad horada Kansk», — skazali ŭ Minabarony.
U viedamstvie padkreślili, što samalot vykonvaŭ palot biez bojekamplekta, jaho padzieńnie nie pryviało da razbureńniaŭ na ziamli.
«Pavodle papiarednich dadzienych, pryčynaj padzieńnia samalota MiH-31 stała admova techniki», — udakładnili ŭ ministerstvie. «NZ adbyłosia kala vioski Chajeryna Kanskaha rajona. Ekipaž katapultavaŭsia, za im vylecieŭ viertalot Mi-8».
Piłoty samalota byli znojdzienyja i evakujavanyja pošukavaj hrupaj, pahrozy dla ich žyćcia i zdaroŭja niama.
Dla rasśledavańnia pryčyn krušeńnia na miesca zdareńnia nakiravanaja śpiecyjalnaja kamisija Minabarony RF. U suviazi sa zdareńniem paloty MiH-31 časova prypynienyja.
Nahadajem, apošni raz anałahičny incydent mieŭ miesca 31 kastryčnika 2015 hoda.