Słava biełarusam - hierojam vajny z Kalumbijaj!
Cikavuju temu razahnała presa: kali b niadaŭni kanflikt pamiž Bahotaj i Karakasam pryniaŭ charaktar adkrytaj batalii, na dapamohu vojskam Čaviesa pavinny byli adpravicca biełaruskija vajskovyja śpiecy. Maju nadzieju, što naša falerystyčnaja słužba ŭ toj čas taksama nie spała ŭ biejsbołku.
Dumaju, što hetaj kantoraj byŭ apieratyŭna raspracavany list rehalij, jakimi ŭrad źbiraŭsia ŭznaharodzić biełarusaŭ - patencyjnych hierojaŭ vajny z Kałumbijaj. List naharod moh vyhladać nastupnym čynam.
Orden “Za ŭziaćcie Bahoty i poŭny razhrom impieryjalistyčnaj Kałumbii”. Ujaŭlaje saboju rasšytuju čystym zołatam padviazku praź levaje plačo. “Orden za uziaćcie Bahoty i poŭny razhrom impieryjalistyčnaj Kałumbii” raspracavany vyklučna dla vydajučych biełaruskich vajskovych stratehaŭ sučasnaści. Nosicca pavierch chakiejnaha kaściuma.
Orden ”Za doblesnuju instrukcyju” Naharoda maje uručacca biełaruskim vajskovym instruktaram za karysnuju instrukcyju, jakuju jany dali vieniesuelskim kaleham. Orden maje niekalki viersij, naprykład “Za doblesnuju instrukcyju va ŭ umovach trapičnaha lesu”, abo “Za doblesnuju instrukcyju padčas paślaabiedziennaj fijesty” i h.d.
“Orden čyrvona - zialonaha laniŭca” Miedal ŭjaŭlaje saboju vyjavu žyvioły - laniviec. Naharoda dla asobnaj katehoryi biełaruskich śpiecyjalistaŭ u Vieniesuele. Mova pra tych, jakija na niejki čas trapili ŭ zonu kałumbijskaj akupacyi i aktyŭna zajmalisia sabatažam: zamiest pracy pili tekiłu i zažyhali z čyksami.
“Orden šanoŭnaha łachatrona“. Naharoda uviedzienaja dla supracoŭnikaŭ ajčynnaha dypłamatyčnaha korpusu, jakija padčas vajny umudracca ŭtiuchać Čaviesu partyju nikomu nie patrebnych na radzimie ajčynnych tavaraŭ. Orden maje dźvie stupieni: nižejšaja 2-oj stupieni dla tych, chto pradaść aby što. Vyšejšaja – pieršaj, dla dypłamataŭ, chto zdoleje pradać vieniesuelcam pradukcyju słuckaha i haradzienskaha piŭzavodaŭ.
Značak “Žaleznaja biełačka“. Naharoda dla biełaruskich hramadzian, siabroŭ arhanizacyja “Biełaja Ruś”, jakija na čas vajny pracavali ŭ Vieniesuele. Taki vybar budzie biezumoŭna źviazanaja z asabistaj ryzykaj: u vačach kałumbijskich ahresaraŭ siabry BR naturalna buduć traktavacca jak absalutnyja zombi Łukašenka i jaho siabra Čaviesa. Chutčej za ŭsio za vydaču adnoj “biełački” akupanty buduć prapanavać niejki pryz: maź ad maskitaŭ abo filtr dla ačystki vady.
Telepult z hraviroŭkaj asabistaha podpisu Čaviesa. Telepultam možna lohka ŭklučać televizar, kali pačynajecca asabistaja prahrama Čaviesa “Alo, prezident” i adpaviedna vyrubać, kali jana zakončycca. Maje vydavacca supracoŭnikam słužbaŭ RB, jakija padčas vajny vyviedać na čystuju vadu na Biełarusi ahienturnuju sietku kałumbijskich špijonaŭ i ich prysłužnikaŭ ź miascovaj apazicyi. Budučyja ŭładalnik imiannych telepultaŭ svaim hieraičnym čynam sarvuć niejki kavarny i žudasny terakt, naprykład apieracyju špijonaŭ i ahientaŭ piataj kałony - kinuć u mienskuju kanalizacyju dochłuju łamu i h.d.
Orden “ Lepšamu kokainievodu “. Biełaruskija śpiecyjalisty, jakija apynulisia na akupavanaj kałumbijcami zonie, abaviazkova pavinny stvaryć u sielvie partyzanski atrad, naprykład “Partyzanskaja bryhada imia nieviadomaj šmatdzietnaj maci”. Jaho bajcy mohuć nie tolki słuchać radyjo hałasy ź Minsku, adnak i razvodzić u sielvie kulturu koka, ź jakoj vyrablajecca darahi narkotyk – kakain, tym samym zabiaśpiečyŭšy našu haspadarku novym stratehičnym resursam. Nu a lepšamu kakinievodu – hramadskaja pašana, premija i naturalna adpaviednaja miedal.