BIEŁ Ł RUS

«My ŭsie pamiatajem čarnobylskuju trahiedyju»: Hrybaŭskajcie zajaviła, što biaśpieka Astravieckaj AES — kłopat usiaho ES

22.02.2016 / 18:0

Biaśpieka Astravieckaj AES, što budujecca na miažy ź Litvoj, pavinna być kłopatam ŭsiaho Jeŭrasajuza, zajaviła prezident Litvy Dala Hrybaŭskajcie. Jana adznačaje, što ES pavinien vielmi surjozna acanić mahčymaści i patencyjnyja instrumienty abmiežavańnia impartu elektraenierhii z hetaj AES na rynak Jeŭrasajuza.

AP

«Usie my pamiatajem čarnobylskuju trahiedyju. Niebiaśpiečnyja AES, jakija nie adkazvajuć mižnarodnym standartam biaśpieki — pahroza ŭsim žycharam Jeŭropy. Tamu zhurtavanymi namahańniami ES i ŭsioj mižnarodnaj hramadskaści my pavinny zapatrabavać, kab Astravieckaja AES adkazvała samym strohim mižnarodnym standartam biaśpieki, kab była praviedziena niezaležnaja i prazrystaja acenka ŭpłyvu na navakolnaje asiarodździe, praviedzieny acenki ryzyki i biaśpieki», — pieradajucca ŭ pres-relizie prezidenckaj administracyi słovy D. Hrybaŭskajcie, jakaja sustrełasia ŭ paniadziełak u Vilni ź vice-prezidentam Jeŭrakamisii Marašam Šefčavičam, adkaznym za pytańni enierhietyčnaha sajuza ES.

Čytajcie taksama:

Kamientary da artykuła