Erdahan: Rasija straciła takoha siabra, jak Turcyja
Prezident Turcyi Redžep Taip Erdahan zajaviŭ, što Ankara «nie vorah ruskamu narodu».
Pra heta jon zajaviŭ na 21-j sustrečy z kiraŭnikami miascovych administracyj u prezidenckim kompleksie ŭ Ankary, paviedamlaje ahienctva Anadolu.
«My nie vorahi Rasii i ruskaha naroda. U pieryjad, kali inšyja ŭvodzili sankcyi suprać Rasii, my hetaha nie zrabili», — zajaviŭ Erdahan.
Pa słovach kiraŭnika tureckaj dziaržavy, Rasija nie zrazumieła Turcyju. «Rasija straciła takoha siabra, jak Turcyja. Kali havorka idzie ab našaj niezaležnaści, my nie staniem paturać čyim-niebudź kapryzam», — padkreśliŭ Erdahan.
Jon zajaviŭ, što Turcyja — heta mocnaja kraina: «My zakapajem u jamach tych, chto vykapaŭ ich. Z dazvołu i błasłavieńnia Ałacha my pieramožam».
Nahadajem, u listapadzie Turcyja źbiła rasiejski bambavik Su-24, zadziejničany ŭ vajennaj apieracyi ŭ Siryi, jaki, pa śćviardžeńniach Ankary, parušyŭ pavietranuju prastoru krainy. Paśla incydentu adnosiny krain pahoršylisia: u adkaz RF uviała sankcyi na tureckija pradukty charčavańnia i tavary.