Va Ukrainie vyjšła ŭ efir pieršaje vajskovaje radyjo «Armija FM»
Ad siońniašniaha dnia va ŭkrainskaj miedyjaprastory źjaviłasia pieršaja vajennaja radyjostancyja. Pra heta havorycca ŭ paviedamleńniach Ministerstva abarony Ukrainy i radyjo «Armija FM» u fejsbuku.
«Naša radyjo budzie tranślavacca praz partał «Svajo radyjo», — paviedamlajecca na staroncy «Armija FM». — Słuchačam spačatku treba zajści na staronku «Svajo radyjo» i ŭ rubrycy «Svajo viaščańnie» abrać radyjo «Armija FM».
«Naviny kožnuju hadzinu i šmat dobraj muzyki», — abiacajuć u pres-słužbie.
Stvaralniki radyjostancyi nie źbirajucca spyniacca na viaščańni ŭ internecie i ŭžo padali zajaŭku na častoty ŭ FM-dyjapazonie.
Pakul ža radyjostancyja pracuje ŭ testavym režymie.