U zakarpackim siale vulicu Lenina pierajmienavali ŭ vulicu Lenana
U adnym ź siołaŭ Zakarpackaj vobłaści Ukrainy vulica Lenina ŭ ramkach dekamunizacyi pierajmienavanaja ŭ vulicu Džona Lenana — udzielnika hrupy The Beatles.
Rasparadžeńnie ab pierajmienavańni vulicy Lenina ŭ siale Kaliny Ciačeŭskaha rajona padpisaŭ kiraŭnik Zakarpackaj abłasnoj dziaržaŭnaj administracyi Hienadź Maskal.
Hetym ža rasparadžeńniem Maskala novyja nazvy ŭ honar zahinułaha padčas śpiecapieracyi ŭ Danbasie miascovaha žychara, a taksama prezidenta Čechasłavakii Tomaša Masaryka i vienhierskich i rumynskich dziejačaŭ kultury prysvojenyja jašče niekalkim vulicam u zakarpackich siołach i pasiołkach.
Na sajcie abłasnoj dziaržadministracyi Zakarpaćcia adznačajecca, što Maskal staŭ pieršym va Ukrainie kiraŭnikom rehijona, jaki asabista zaniaŭsia pierajmienavańniem vulic u ramkach dekamunizacyi.