Pakistanskaja palicyja praduchiliła viasielle 10-hadovaj dziaŭčynki
Umiašańnie pakistanskich palicejskich dazvoliła praduchilić viasielle 10-hadovaj dziaŭčynki i 14-hadovaha junaka, z dapamohaj jakoj abiedźvie siamji spadziavalisia pakłaści kaniec uzajemnaj varožaści.
Starejšyny vioski ŭ pravincyi Piendžab rasparadzilisia zaklučyć pamiž paraj šlub paśla taho, jak brat niaviesty byŭ abvinavačany ŭ zabojstvie svajoj žonki, jakuju jon zapadozryŭ u niaviernaści.
Jon byŭ aryštavany i ŭ ciapierašni čas znachodzicca ŭ turmie.
Pavodle naziralnikaŭ, padobnyja šluby, kali žančynie pradpisvajecca vyjści zamuž, kab zahładzić złačynstva, ździejśnienaje svajakom, aficyjna zabaronienyja ŭ krainie, adnak hetaja praktyka ŭžyvajecca paŭsiudna.
Pavodle paviedamleńniaŭ palicyi, u suviazi z hetaj spravaj aryštavanyja čaćviora starejšyn vioski.
Viasielle było namiečana na hetuju piatnicu, adnak mierapryjemstva było sarvana paśla taho, jak u viosku pryjechali supracoŭniki pravaachoŭnych orhanaŭ. Pošuki jašče kala dvuch dziasiatkaŭ padazravanych praciahvajucca.
Zhodna ź dziejučymi ŭ Pakistanie zakonami, svajaki achviary zabojstva majuć prava pamiłavać złačyncu ŭ abmien na vykup abo dziakujučy dasiahnutamu kampramisu. Pry hetym «zabojstvy ŭ imia honaru» i «viasielli dziela pieraprašeńnia» zastajucca ŭ Pakistanie ahulnapryniataj praktykaj, a pad sud za heta addajuć u asnoŭnym pradstaŭnikoŭ małazabiaśpiečanych i najmienš upłyvovych słajoŭ nasielnictva.
U pačatku hetaha hoda na razhlad byŭ vyniesieny zakonaprajekt ab pavyšeńni minimalnaha ŭzrostu ŭstupleńnia ŭ šlub dla žančyn z 16 da 18 hadoŭ. Adnak jon byŭ źniaty, paśla taho jak relihijny orhan, Rada pa isłamskaj ideałohii, nazvaŭ zakonaprajekt nieadpaviednym musulmanskaj relihii.