Pamierła ŭdava Ronalda Rejhana Nensi
6 sakavika va ŭzroście 94 hadoŭ pamierła Nensi Rejhan, udava 40-ha prezidenta ZŠA Ronalda Rejhana.
Nensi Rejhan u 1982 h. NY Times
Pryčyna śmierci pakul nie abvieščanaja, ale viadoma, što ŭ apošnija hady jana niekalki razoŭ padała, atrymlivajučy roznyja traŭmy. Tak u 2012 hodzie jana ŭpała ŭ svaim domie ŭ Łos-Andželesie i złamała niekalki rebraŭ.
«Majo žyćcio pa-sapraŭdnamu pačałosia, kali ja vyjšła zamuž, — kazała Nensi Rejhan, jakaja praviała ŭ šlubie 52 hady. — Dziakuj Bohu, što my znajšli adzin adnaho. Ja nie ŭjaŭlaju žyćcio bieź jaho».
Nensi — dačka pradaŭca aŭtamabilaŭ i aktrysy. Jana taksama stała aktrysaj. Upieršyniu z Ronaldam Rejhanam jany sustrelisia ŭ 1951 hodzie, a ŭ 1952-m - pažanilisia. Jana zdymałasia da 1956 hoda.
U pramiežku z 1981-ha pa 1989 hod Nensi Rejhan zaŭsiody ŭvachodziła ŭ śpis žančyn, jakimi zachaplajucca bolš za ŭsio ŭ śviecie pa apytańni Gallup. Trojčy jana była ŭ hetym śpisie pieršaj.
Ronald Rejhan byŭ prezidentam ZŠA z 1981-ha pa 1989 hod. Jon pamior u 2004 hodzie.
Ronald i Nensi Rejhan na śviatkavańni załatoha viasiella ŭ 2002 h.