Vybuch u Iraku: zahinuli nie mienš jak 60 čałaviek, 70 paranienych FOTA
U Iraku dziasiatki ludziej zahinuli ŭ vyniku vybuchu zaminiravanaha aŭtamabila z kiroŭcam-śmiarotnikam na šmatludnym kantrolna-prapusknym punkcie kala horada Al-Chiła na poŭdni ad Bahdadu. Ab hetym pieradaje radyjo «Svaboda».
Jak paviedamlajecca, u vyniku vybuchu zahinuli nie mienš jak 60 čałaviek, ź ich 23 — pravaachoŭniki, bolš za 70 paranienych, taksama źniščany abo paškodžany amal 50 aŭtamabilaŭ. Akramia taho, razburany sam błokpost, značna paciarpieli susiednija budynki.
Adkaznaść za napad ŭziała na siabie ekstremisckaja hrupoŭka «Isłamskaja dziaržava».
Pavodle miascovych čynoŭnikaŭ, heta byŭ samy kryvavy terakt u pravincyi Babil (Vaviłon), centram jakoj źjaŭlajecca Al-Chiła.