U Navahrudku žančyna chacieła spalić 90-hadovuju susiedku i prysabiečyć 6 tysiač dalaraŭ
Jak paviedamlaje UUS Hrodzienskaha abłvykankama, ranicaj 3 sakavika ŭ dziažurnuju častku Navahrudskaha RAUS pastupiła paviedamleńnie pra toje, što chtości sprabavaŭ padpalić dom 90-hadovaj babuli pa vulicy Minskaj u rajcentry. Na miesca vybyli supracoŭniki milicyi. Jany znajšli na vierandzie ślady hareńnia: źlohku absmalenyja doški, apalenuju anuču, a taksama korak z-pad kanistry z haruča-zmazačnymi materyjałami.
U chodzie rasśledavańnia apieratyŭniki vyjšli na miascovuju žycharku 1971 hoda naradžeńnia. Pry pieršaj razmovie jana admaŭlała svaju datyčnaść da sproby padpału.
Pry dalejšym razhladzie vyśvietliłasia, što žančyna pazyčyła ŭ piensijanierki 6 tys. dalaraŭ, adnak viarnuć hrošy nie mahła. Tady jana vyrašyła padpalić dom babuli, a jaje svajakam skazać, što viarnuła doŭh, ale hrošy zhareli padčas pažaru.