Samaj papularnaj stała prapanova MUS nie karać za zabytaje doma paśviedčańnie kiroŭcy
Inicyjatyva MUS Biełarusi pa libieralizacyi administracyjnaha zakanadaŭstva atrymała šyroki vodhuk u nasielnictva, paviedamlaje BiełaPAN sa spasyłkaj na Ministerstva ŭnutranych spraŭ.
Na pačatku 2016 hoda ŭ MUS prapanavali libieralizavać KaAP dla aŭtamabilistaŭ. Pra heta zajaviŭ načalnik hałoŭnaha ŭpraŭleńnia achovy pravaparadku i prafiłaktyki MUS Raman Mielnik (hł. «DAI prapanuje nie štrafavać za jazdu da 80 km/h pa horadzie»).
Udzieł u hałasavańni, arhanizavanym milicejskim viedamstvam, uziali bolš za 60 tys. čałaviek. U MUS praanalizavana ŭžo amal 3,3 tys. prapanoŭ i rekamiendacyj hramadzian.
Samaj papularnaj stała prapanova nie karać kiroŭcaŭ, jakija zabylisia doma paśviedčańnie. Hetuju inicyjatyvu padtrymała kala 92% respandentaŭ.
87% udzielnikaŭ apytańnia nie bačać prablemy ŭ znachodžańni hramadzianina ŭ niećviarozym vyhladzie ŭ hramadskim miescy, kali jon nie ŭjaŭlaje niebiaśpieki i nie parušaje paradak, 80% vykazałasia za pavieličeńnie ad 400 da 1000 jeŭra pamieru škody, naniesienaj u vyniku DTZ, pry jakoj vadzicieli transpartnych srodkaŭ majuć prava nie paviedamlać u DAI ab zdareńni.
Bolš za 70% udzielnikaŭ apytańnia vykazałasia za mahčymaść vyniasieńnia papiaredžańnia, a nie składańnie pratakołu za raśpićcio piva ŭ hramadskich miescach abo niecenzurnuju łajanku.
Jak adznačajuć u MUS, burnaja palemika razharnułasia nakont pavieličeńnia paroha chutkasnaha režymu da 20 km/h, jaki b nie źjaŭlaŭsia parušeńniem praviłaŭ darožnaha ruchu (inicyjatyvu padtrymała 59% apytanych).
68% respandentaŭ ŭchvalaje źniaćcie ź milicyi nieŭłaścivych funkcyj.
Darečy, 7 sakavika inśpiektary DAI ŭ Minsku praviali akcyju: jany spyniali žančyn-vadzicielaŭ, vinšavali ich z nadychodziačym śviatam i ŭručali karysnyja padarunki i pamiatnyja suvieniry, pieradaje STB.