Aktyvisty raskleili ŭ centry Minska partrety viadomych žančyn, jakija pachodziać ź Biełarusi FOTA
U biełaruskaj stalicy aktyvisty mižnarodnaha hramadskaha abjadnańnia «Alternatyva» (zarehistravana ŭ Łatvii) sumiesna z kamandaj «Dy-džei Adradžeńnia» (niefarmalnaja adukacyjnaja prahrama dla moładzi) pavinšavali biełarusak z Dniom žančyn, paviedamlaje Naviny.by.
8 sakavika jany raskleili ŭ centry Minska płakaty z fotazdymkami i karotkaj infarmacyjaj pra vosiem viadomych va ŭsim śviecie biełarusak i žančyn, jakija pachodziać ź Biełarusi.
Siarod ich śviataja Jefrasińnia Połackaja, udzielnica paŭstańnia 1830 hoda Emilija Plater (biełaruskaja Žanna d'Ark, hrafinia-revalucyjanierka), vučonaja Sofja Kavaleŭskaja, paetka Łarysa Hienijuš, płyŭčycha Alaksandra Hierasimienia, bijatłanistka Darja Domračava, halivudskaja zorka Skarlet Jochansan i nobieleŭskaja łaŭreatka pa litaratury Śviatłana Aleksijevič.
Ich vyjavy supravadžajucca nadpisami «Biełaruski, ź jakich varta brać prykład» i «Žančyny, pryjšoŭ i vaš čas! Z 8 Sakavika, viasnoju i abudžeńniem!».