U Baranavičach u haradskim aŭtobusie pamior mužčyna
Zdareńnie adbyłosia ŭ sałonie aŭtobusa №6 16 sakavika, kala 23.00. Aŭtobus išoŭ pa vulicy Kirava ŭ bok vulicy Pramysłovaj.
«Kali ja padyšła da prypynku, ubačyła, što pobač z aŭtobusam staić «chutkaja», — raspaviała Intex-press śviedka zdareńnia Darja Citko. — Miedrabotniki paviedamili, što aŭtobus dalej nie pajedzie, tamu što tam pamior pasažyr i jany čakajuć pryjezdu milicyi».
Daktary i kiroŭca stajali poruč ź lažačym na padłozie mužčynam, pasažyraŭ u aŭtobusie nie było.
Pa słovach daktaroŭ «chutkaj dapamohi», u mužčyny nastupiła raptoŭnaja kliničnaja śmierć. Reanimacyja akazałasia biespaśpiachovaj, rastłumačyŭ zahadčyk stancyi chutkaj i nieadkładnaj miedycynskaj dapamohi h. Baranavičy Vasil Backalevič.
Pry sabie ŭ mužčyny nie było dakumientaŭ. Z vyhladu jamu było kala 45 hadoŭ.