Udzień u piatnicu miescami čakajucca mocnyja daždžy i navalnicy
8 krasavika pryrodnyja ŭmovy ŭ asnoŭnym buduć vyznačać atmaśfiernyja franty, jakija źmiaščajucca z paŭdniovaha zachadu Jeŭropy. Čakajecca pieramiennaja vobłačnaść. Nočču ŭ paŭdniova-zachodnich rajonach, dniom na bolšaj častcy terytoryi karotkačasovyja daždžy, miescami navalnicy.
Dniom u asobnych rajonach mocnyja daždžy. Nočču i ranicaj miescami słaby tuman. Viecier paŭdniova-ŭschodni, słaby da ŭmieranaha, pry navalnicach paryvisty.
Tempieratura pavietra minimalnaja nočču +4.. + 9°S, pa paŭdniovym zachadzie +10.. + 12°S; maksimalnaja dniom +15.. + 21°S, u paŭdniova-ŭschodnich rajonach +22.. + 27°S, pa paŭnočnym zachadzie miescami +12.. + 14 ° S. Atmaśfierny cisk unačy istotna nie źmienicca, dniom budzie padać.
9-10 krasavika nadvorje pa-raniejšamu buduć vyznačać atmaśfiernyja franty i ciopłyja pavietranyja masy, jakija pastupajuć z paŭdniovaha zachadu Jeŭropy.
9 krasavika nočču na bolšaj častcy terytoryi, dniom miescami, u asnoŭnym pa paŭnočnym zachadzie krainy, projduć karotkačasovyja daždžy, prahrymiać navalnicy. Tempieratura pavietra minimalnaja nočču +6.. + 13°S, maksimalnaja dniom +17.. + 25°S, u paŭnočna-zachodnich rajonach +10.. + 16°S.
10 krasavika nočču miescami, dniom na bolšaj častcy terytoryi čakajucca karotkačasovyja daždžy, navalnicy. Tempieratura pavietra minimalnaja nočču +7.. + 13°S, maksimalnaja dniom +17.. + 25°S, u paŭnočna-zachodnich rajonach +10.. + 16°S.