U Homieli školnika zacisnuła i traŭmavała eskałataram
Uviečary 6 krasavika ŭ chirurhičnaje adździaleńnie Homielskaj abłasnoj kliničnaj balnicy było dastaŭlena dzicia 2007 hoda naradžeńnia, jakoje atrymała traŭmy ŭ adnym z handlovych centraŭ horada.
Jak paviedamili ŭ adździele infarmacyi i hramadskich suviaziaŭ UUS Homielskaha abłvykankama, chłopčyk pryjšoŭ u handlovy centr z mamaj, i pakul žančyna naviedvała kramu abutku, adprasiŭsia ŭ jaje schadzić u kramu cacak. Dzicia pajechała na druhi pavierch na eskałatary, ale aryhinalnym sposabam — pavisła na humovym poručni, jaki ruchajecca sinchronna z eskałataram.
Na druhim paviersie chłopčyk niaŭdała saskočyŭ z humovaha poručnia, i byŭ zacisnuty eskałataram. Na miesca zdareńnia prybyli chutkaja dapamoha i milicyja, školnika špitalizavali z traŭmami.
Pravierku pa hetym fakcie pravodzić inśpiekcyja pa spravach niepaŭnaletnich.