Šviecyja zaviała sabie ŭłasny telefonny numar
Šviecyja stała pieršaj u śviecie krainaj, u jakoj jość svoj ułasny telefonny numar. Ciapier luby čałaviek za miežami krainy moža patelefanavać pa numary +46771793336, pahavaryć z vypadkovym šviedam i raspytać jaho pra ŭsio što zaŭhodna.
U akcyi ŭdzielničajuć tolki šviedy, jakija zapampavali śpiecyjalnuju prahramu. Zvanok pieraadrasoŭvajecca ŭdzielnikam prahramy, pakul chto-niebudź ź ich nie adkaža.
Namieśnik hałoŭnaha redaktara «Mieduzy» Alaksandr Palivanaŭ patelefanavaŭ pa numary Šviecyi, i jaho źviazali z Danielem, jaki žyvie ŭ Karłstadzie, nievialikim horadzie ŭ centralnaj častcy Šviecyi. Daniel raspavioŭ, što z momantu ŭstanoŭki prahramy jon užo pahavaryŭ z tryma ludźmi. Chtości z Turcyi skazaŭ «Pryvitańnie» i kinuŭ trubku, jašče adzin čałaviek nie skazaŭ naohuł ničoha, a z techascam jany vydatna pahamanili.
Z Palivanavym jany abmierkavali, jakoje nadvorje ŭ Karłstadzie («Zvyčajna soniečna, ale siońnia daždžliva») i adkul Palivanaŭ viedaje šviedskuju («vučyŭsia ŭ Šviecyi, ale ŭ Karłstadzie nikoli nie byŭ»). Daniel taksama raspavioŭ, što Karłstad znachodzicca na bierazie voziera i tam vielmi pryhoža.
Ułasny numar u Šviecyi źjaviŭsia 6 krasavika. Na jaho ŭžo patelefanavali bolš za čatyry z pałovaj tysiač čałaviek, a praciahłaść razmoŭ pieravysiła siem hadzin. Telefanavać možna i bieź viedańnia šviedskaj, žychary krainy vydatna havorać pa-anhlijsku.
Zapusk kampanii, nakiravanaj na raźvićcio turyzmu, prymierkavali da 250-j hadaviny skasavańnia cenzury ŭ krainie.