U Lidzie mašyna z pjanaj kampanijaj uciakała ad pahoni i ŭlacieła ŭ słup
Paśla sutyknieńnia aŭtamabila sa słupom niepryšpileny pasažyr vylecieŭ z sałona, paviedamili va ŭpraŭleńni DAI UUS Hrodzienskaha abłvykankama.
U milicyju źviarnuŭsia vidavočca i paviedamiŭ, što pjany małady čałaviek moža pajechać za rulom. Na miesca nieadkładna vyjechaŭ ekipaž departamienta achovy. «Ford» u prysutnaści milicyjantaŭ pačaŭ ruch. Nie adreahavaŭ kiroŭca lehkavuški i na sihnał ab spynieńni, padadzieny supracoŭnikami DAI.
«Rezka pavialičyŭšy chutkaść, lichač pasprabavaŭ uciačy. Na vulicy Kamunistyčnaj pablizu skryžavańnia z vulicaj Horkaha jon straciŭ kiravańnie, źnios darožny znak i naskočyŭ na mačtu aśviatleńnia. Pasažyr 1995 h.n. apynuŭsia pa-za sałonam aŭtamabila, atrymaŭ traŭmu i źmieščany ŭ balnicu», — raspaviali ŭ DAI. U kiroŭcy aŭtamabila 1992 h.n. utrymańnie ałkaholu ŭ arhaniźmie pieravysiła 2,6 pramile.
U DAI adznačyli, što na hetym ža skryžavańni ŭ 2008 hodzie avaryja z udziełam pjanaha kiroŭcy zabrała žyćci 6 čałaviek.