FSB pačała pravierku ŭ Sievastopali paśla himna sa słovami «Rasija — šalonaja naša dziaržava»
Padčas pieršaha źjezdu hramadska-ekśpiertnaj rady pry «hubiernataru» akupavanaha Sievastopala Siarhieja Mianiajły na vialikim ekranie źjaviŭsia pačatak himna RF sa skažonym tekstam.
Da prykładu, u pieršym radku «Rasija — śviaščennaja naša dziaržava» źjaviŭsia prymietnik «šalonaja», pieradaje ForPost. Taksama prysutničali inšyja hrubaści i abrazy.
Akramia taho, muzyka himna supravadžałasia dysanansnymi notami ŭpieramiešku za zvonavaj kakafonijaj.
Pradstaŭniki atradaŭ samaabarony kinulisia ŭ hukarežysiorskuju rubku. Ale fajł sa skažonym himnam Rasii z kampjutara ŭžo byŭ vydaleny, a fajłavy košyk — pačyščany. Vyraznaha adkazu ad hukaapierataraŭ damahčysia nie ŭdałosia.
U svaju čarhu ahienctva FlashCrimea paviedamiła, što ŭpraŭleńnie FSB pa Krymie i Sievastopali pravodzić pravierku pa fakcie vykanańnia falšyvaha rasijskaha himna na źjeździe.
«Heta byŭ nabor słoŭ, jakija da himna nie majuć nijakaha dačynieńnia. U ciapierašni čas pravodzicca pravierka», — skazaŭ surazmoŭca ahienctva.