Fejsbuk admoviŭ biełaruskim siłavikam u infarmacyi ab adnym z karystalnikaŭ
U 2015 hodzie administracyja Facebook atrymała adzin zapyt ad biełaruskich uładaŭ ab davańni infarmacyi pra karystalnika sacyjalnaj sietki, havorycca ŭ spravazdačy Facebook ab uradavych zapytach roznych krain u 2015 hodzie.
Pa zapycie Biełarusi Facebook źviestak nie padaŭ, paviedamlaje administracyja sacsietki.
«My adkazvajem na abhruntavanyja zapyty, jakija tyčacca kryminalnych spraŭ, — adznačajecca ŭ paviedamleńni Facebook. — Kožny zapyt my praviarajem na najaŭnaść pravavoj dastatkovaści, i my adchilajem abo patrabujem ŭdakładnieńniaŭ pa zapytach, jakija praźmierna šyrokija abo raspłyvistyja».
Administracyja sacsietki paviedamlaje, što spravazdača ab uradavych zapytach ab davańni źviestak uklučaje ŭ siabie zvaroty, jakija tyčylisia roznych praduktaŭ i servisaŭ sacyjalnaj sietki, u tym liku Facebook, Messenger, WhatsApp, Instagram. Robicca heta dla taho, kab ludzi razumieli charaktar i maštaby hetych zapytaŭ, a taksama strohuju palityku administracyi Facebook u dačynieńni da ich, havorycca ŭ paviedamleńni. Hetuju infarmacyju Facebook i ŭ dalejšym płanuje rehularna publikavać.