Mienskija ŭłady terminova zabaranili kanały śmiechu j rasiejskich seryjałaŭ
Vodzyŭ dazvołu na ich tranślacyju pad hryfam «TERMINOVA» pryjšoŭ z staličnaha vykankamu z podpisam hałoŭnaha ideolaha Michaiła Ciciankova.
Staličnaje «Kosmas‑TV» i jašče niekalki aperataraŭ spynili tranślacyju dvuch rasiejskich telekanałaŭ: «NST» i «Fieniks ART».
Adklikańnie dazvołu na ich tranślacyju pad hryfam «TERMINOVA» pryjšło z staličnaha vykankamu z podpisam hałoŭnaha ideolaha Michaiła Ciciankova.
Hetkaja paśpiešlivaść upraŭleńnia idealahičnaj raboty vyhladaje prynamsi dziŭna: pad terminovaje zakryćcio trapli kanały humarystyčnych pieradač i rasiejskich seryjałaŭ.
Trecim u liście haradzkich uładaŭ značycca kanał dakumentalnych filmaŭ «24 DOK», jaki i tak nie tranślujecca mienskimi kabelnymi aperatarami.
«Kali vykankam vyklučyŭ hetyja kanały, značyć, byli pryčyny», — skazali va ŭpraŭleńni idealohii Mienharvykankamu.
Pavodle nieaficyjnych źviestak, piša «Salidarnaść», pryčynaj zabarony tranślacyi stała demanstracyja filmu Juryja Chaščavackaha «Zvyčajny prezydent». Aproč telekanału «24 DOK», hety zabaronieny biełaruskimi ŭładami film vypadkova, z‑za techničnaha zboju, pakazali taksama na humarystyčnym kanale «NST».