«Ja pamru. Patelefanuj im, matula» — pierapiska Edzi Džastysa, što zahinuŭ ŭ hiej-kłubie ŭ Arłanda, z maci
U noč na 12 červienia 29-hadovy Amar Macin zajšoŭ u hiej-kłub Pulse ŭ Arłanda, štat Fłaryda. Z saboj jon uziaŭ paŭaŭtamatyčnuju vintoŭku AR-15 (staić na ŭzbrajeńni amierykanskich palicejskich) i pistalet. Z hetaj zbroi Macin zabiŭ 49 čałaviek. Adzin z naviedvalnikaŭ kłuba Edzi Džastys schavaŭsia ŭ prybiralni i pisaŭ adtul paviedamleńni svajoj maci, pakul Amar Macin nie pryjšoŭ i nie zastreliŭ jaho. Žančyna padzialiłasia pierapiskaj z Associated Press.
U 2:06 Mina Džastys atrymała ad svajho syna pieršaje paviedamleńnie.
Edzi: Matula, ja lublu ciabie.
Edzi: Ja ŭ kłubie, jany stralajuć.
Maci: Ty ŭ paradku?
02:07
Edzi: Ja ŭ prybiralni, u pastcy.
Maci: U jakim kłubie?
Edzi: Pulse. U centry. Patelefanuj u palicyju.
02:08
Edzi: Ja pamru.
Maci: Telefanuju im ciapier.
Maci: Ty ŭsio jašče tam?
Maci: Vaźmi čortavu słuchaŭku.
Maci: Patelefanuj im.
Maci: Patelefanuj mnie.
02:39
Edzi: Kažu ž, ja ŭ prybiralni.
Edzi: Jon idzie.
Edzi: Ja pamru.
Edzi: Patelefanuj im, mamačka.
Edzi: Zaraz ža.
Maci: Niechta paranieny?
02:42
Edzi: Mnohija. Tak.
Maci: Ty z palicyjaj?
Maci: Napišy mnie, kali łaska.
02:46
Edzi: Nie.
Edzi: Usio jašče tut, u prybiralni. My ŭ jaho ŭ zakładnikach. Im treba pryjści i zabrać nas.
Maci: Palicyja ŭžo tam. Paviedami, kali ŭbačyš palicejskich.
02:49
Edzi: Chutčej.
02:50
Edzi: Jon užo ŭ prybiralni.
Edzi: U žanočaj prybiralni.
Maci: Jon z vami ŭ prybiralni?
Edzi: Jon teraryst.
02:51
Edzi: Tak.
Maci: Ty paranieny?
02:52
Maci: Zastavajsia tam, jon nie lubić hiejaŭ.
02:53
Maci: Adkažy, kali łaska.
02:54
Maci: Ja lublu ciabie.
Maci: Ničoha nie rabi.
Maci: Zastavajsia tam.
Maci: Synok, adkažy mnie.
***
Nadalej maci napisała synu šmat paviedamleńniaŭ, ale jon bolš nie adkazvaŭ. Jak vyjaviłasia potym, Edzi zahinuŭ. Palicyja pačała šturm tolki kala piataj hadziny ranicy.