Kłas bje paradak. Ispanija – Čechija – 1:0
Favaryty na hetym Jeŭra atrymlivajuć chaj i ciažkija, ale pieramohi. Adziny hoł «Čyrvonaj furyi» byŭ zabity za try chviliny da skančeńnia asnoŭnaha času hulni. Ińjesta naviesiŭ, a Pikie hałavoj prymusiŭ kapitulavać słavutaha bramnika Pitera Čecha.
Dla ludziej, jakija nie vielmi ŭ futbolnaj temie, zaznaču, što Pikie – heta muž śpiavački Šakiry. Jon hulaŭ centralnaha abaroncu, a za zbornuju da hetaha zabivaŭ čatyry razy.
Ispancy vałodali miačom 67% času, statystyka ŭdaraŭ pa varotach 17:7. Adnak da niejkaha času čechi vydatna spraŭlalisia z atakami dziejnych čempijonaŭ Jeŭropy, pakul u štrafnuju nie pajšoŭ Pikie.
Užo paśla hetaha Daryda mieŭ vydatnuju mahčymaść, kab prynieści čecham ničyju, adnak ź jaho strełam spraviŭsia De Chea.
Varta adznačyć, što pakul na Jeŭra-2016 nie było nivodnaj prachadnoj hulni. Paŭsiul mnostva baraćby, z małoj kolkaściu zabitych miačoŭ.
Turnirnaja tablica ŭ hrupie D vyhladaje nastupnym čynam: Ispanija, Charvatyja – pa 3 punkty, Čechija, Turcyja – 0.
Siońnia taksama zhulajuć Irłandyja – Šviecyja (19:00), Bielhija – Italija (22:00).