Pamior były kiraŭnik biełaruskaj opiery Siarhiej Kartes
Na 82-m hodzie žyćcia pamior kampazitar Siarhiej Kartes.
Siarhiej Albiertavič Kartes naradziŭsia 18 lutaha 1935 u Čyli. Siamja maci ŭ svoj čas emihravała z Rasijskaj impieryi ŭ hetuju krainu, a baćka byŭ čylijcam.
U 1947 hodzie siamja paprasiła savieckaje hramadzianstva. Pryjezd u SSSR staŭ mahčymym ŭ 1955 hodzie, miescam pražyvańnia byŭ vyznačany Minsk.
Siarhiej Kartes skončyŭ Biełaruskuju kansiervatoryju (1962). Z 1966 h. — zahadčyk muzyčnaj častki Biełaruskaha teatra imia Ja.Kupały. Z 1972 h. muzyčny redaktar, hałoŭny muzyčny redaktar kinastudyi «Biełaruśfilm».
Z 1991 hoda mastacki kiraŭnik opiernaj trupy ŭ Dziaržaŭnym teatry opiery i baleta Biełarusi. U 1996 hodzie ustanova była padzielena na dva samastojnyja teatry: opiery i baleta. Kartes uznačaliŭ pieršy ź ich i na praciahu 1996—2002 hadoŭ źjaŭlaŭsia mastackim kiraŭnikom-dyrektaram Nacyjanalnaha teatra opiery Respubliki Biełaruś. Z asobaj Kartesa źviazana adkryćcio biełaruskaha opiernaha mastactva dla jeŭrapiejskaj publiki.