Na Pinščynie žančynu šukali 8 hadoŭ. Trup znajšli pad cemientnaj ściažkaj u dvary doma jaje syna
U 2008 hodzie ŭ v. Krasijeva Pinskaha rajona źnikła 54-hadovaja žančyna. Jaje trup 4 lipienia vyjaviła apieratyŭna-śledčaja hrupa.
Fota UHKSE Respubliki Biełaruś pa Bresckaj vobłaści
Pa infarmacyi milicyi, padčas svarki mužčyna źbiŭ svaju maci, jakaja ad atrymanych traŭmaŭ pamierła. Tady jon zakapaŭ trup u haspadarčaj pabudovie na svaim dvary na hłybini bolš za adzin mietr. A praź niekatory čas na miescy pachavańnia zaliŭ bietonnuju ściažku, sprabujučy schavać ślady złačynstva.
Na praciahu 8 hadoŭ mužčynu nieadnarazova vyklikali ŭ pravaachoŭnyja orhany, ale jon admaŭlaŭ kryminalny śled źniknieńnia maci i śćviardžaŭ, što ničoha nie viedaje pra toje, dzie jana moža znachodzicca.
Pa padazreńni ŭ ździajśnieńni zabojstva zatrymana dva čałavieki. Pa našych dadzienych — heta syn zahinułaj i jaho žonka. Zaviedzienaja kryminalnaja sprava pa p.15 č.2 art.139 KK RB «Zabojstva, učynienaje hrupaj asob». U dadzieny momant pravodzicca kompleks śledčych i apieratyŭna-vyšukovych mierapryjemstvaŭ, nakiravanych na vyśviatleńnie abstavin zdareńnia. Pryznačanyja nieabchodnyja sudovyja ekśpiertyzy.