Ukrainski Hienštab zajaviŭ pra hibiel rasijskaha vajskoŭca na Danbasie
Hienštab uzbrojenych sił Ukrainy zajaviŭ, što ŭ bai pobač ź vioskaj Trajeckaje Danieckaj vobłaści zahinuŭ hramadzianin Rasii, radavy Natan Cakiraŭ. U fejsbuku Hienštaba apublikavanaja kopija jaho pašparta.
Pa śćviardžeńni Hienštaba, u noč na 11 lipienia hrupa z 20 čałaviek sprabavała trapić u tył ukrainskich vojskaŭ. Dvoje z napadnikaŭ byli zatrymanyja. Ich imiony i hramadzianstva ŭ paviedamleńni ŭkrainskaha Hienštaba nie paznačanyja.
Pradstaŭnik «DNR» Eduard Basuryn abvierh paviedamleńnie ŭkrainskaha kamandavańnia. «U nas takoj infarmacyi niama, da taho ž Trajeckaje znachodzicca daloka ad linii frontu», - zajaviŭ jon.
Basuryn taksama śćviardžaje, što ŭ rajonie danieckaha aeraporta byli zabityja troje ŭkrainskich vajskoŭcaŭ. Kijeŭ hetuju infarmacyju nie paćviardžaje.