54-hadovy vyčvareniec z Mahilova adpraviŭsia ŭ turmu za masturbacyju ŭ prysutnaści 7-hadovych dziaciej
Paŭtara hoda ŭ kałonii ahulnaha režymu praviadzie 54-hadovy mahiloviec. Jaho asudzili za raspusnyja dziejańni ŭ dačynieńni da niepaŭnaletnich.
Viasnoj 2015 hoda ŭ padjeździe šmatpaviarchoŭki na bulvary Niaskoranych mužčyna źniaŭ štany pry dźviuch 7-hadovych dziaŭčynkach i pačaŭ masturbavać. Dziaŭčynki spałochalisia, prybiehli dadomu i raspaviali baćkam.
Svaje złačynnyja dziejańni mahiloviec davioŭ da kanca, tamu ź miesca złačynstva śledčyja zmahli ŭziać bijałahičnyja ślady. Asobu mužčyny vyznačyli pa analizie DNK — raniej złamyśnik pryciahvaŭsia da kryminalnaj adkaznaści i jaho hienom zachoŭvaŭsia ŭ bazie pravaachoŭnikaŭ, raspaviała aficyjny pradstaŭnik USK pa Mahiloŭskaj vobłaści Aksana Salaniuk.
Viadoma, što asudžany na ŭliku ŭ psichijatra nie znachodziŭsia.