U Minsku pracuje haścinica dla pakajovych raślin
Niezvyčajnaja abjava vyjaviłasia na padjeździe: rekłamka haścinicy dla raślin. Abjava abiacała palivańnie, apyrskvańnie, padkormku - uvohule, uvieś kompleks zapytaŭ zialonych hadavancaŭ.
I praŭda, nie va ŭsich jość ludzi, jakim davieranyja klučy ad kvatery, kab padčas adpačynku prychodzili i palivali kvietki.
Telefanujem. Kažuć: tak, haścinica sapraŭdy isnuje.
— Pasłuhu akazvaje IP, tak što ŭsio afarmlajecca aficyjna. Žyć raśliny mohuć u adnoj z dvuch kvater — pa Kalinoŭskaha ci ŭ rajonie mietro Michałova. Pastavim na tym baku, dzie jany pryvykli raści doma, — zapeŭniła pradprymalnik.
My paličyli: «pražyvańnie» piaci niebujnych kvietak u haścinicy na praciahu 10 dzion abydziecca 8,5 rubla.
Klijent moža apłacić pryvoz i dastaŭku, kaštavać heta budzie, jak pasłuha taksi. A moža pryvieźci raśliny samastojna i asabista pierakanacca ŭ tym, što jany pravilna buduć raźmieščany i im u haścinicy budzie dobra.