U Biełarusi zapuściać ciahniki ź biaspłatnym Wi-Fi
U ciahnikach Biełaruskaj čyhunki źjavicca biaspłatny internet. Mabilny apieratar velcom zabiaśpiečyć dostup u internet pa technałohii Wi-Fi u dvuch novych ciahnikach mižrehijanalnych linij biznes-kłasa, jakija buduć kursiravać pa maršrucie Minsk — Homiel, paviedamili ŭ pres-słužbie kampanii velcom.
Fota Śniežany Inaniec, TUT.BY.
Biaspłatnym internetam pa technałohii Wi-Fi pasažyry zmohuć skarystacca na praciahu ŭsiaho šlachu ad Minska da Homiela pry luboj chutkaści ruchu ciahnika. Va ŭsich vahonach ustanoŭlenyja punkty dostupu Wi-Fi, jakija sychodziacca ŭ adziny maršrutyzatar z SIM-kartaj. Ciahnik padłučajecca da internetu praz 3G-sietku ad velcom, a trafik pasažyram «razdaje» z dapamohaj technałohii Wi-Fi.
Dla padłučeńnia da biaspłatnaha internetu treba prajści rehistracyju praz admysłovy partał aŭtaryzacyi. Kod dostupu pasažyry zmohuć atrymać z dapamohaj SMS na numar mabilnaha telefona. Skarystacca Wi-Fi zmohuć abanienty ŭsich mabilnych apierataraŭ.
Nahadajem, jurydyčnaja mahčymaść razdavać Wi-Fi u hramadskim transparcie źjaviłasia jašče ŭ krasaviku 2016 hoda. Praŭda, inicyjatyva Biełaruskaj čyhunki i velcom stała pieršym za try miesiacy maštabnym prajektam u hetaj halinie.