Biełaruskija vajskovyja lotčyki atrymali srebnyja miedali na konkursie «Avijadarts-2016»
Avijatary z Vajenna-pavietranych sił Biełarusi ŭdzielničali ŭ spabornictvach šturmavoj avijacyi i bajavych viertalotaŭ u miežach arhanizavanaha ŭ Rasii konkursu «Avijadarts-2016».
U abiedźviuch naminacyjach biełaruskija ekipažy, jakija vykarystoŭvali šturmaviki Su-25 i viertaloty Mi-8, zavajavali srebnyja miedali.
Biełaruskija Su-25, jakija ŭdzielničali ŭ konkursie. Fota vsr.mil.by.
Akramia biełaruskaj i rasijskaj kamand u konkursie ŭdzielničali kamandy Kitaja i Kazachstana. Usiaho ŭ spabornictvach uziali ŭdzieł bolš za 50 ekipažaŭ bajavych samalotaŭ i viertalotaŭ, piša vsr.mil.by.
U vyniku ŭ kamandnym zaliku pieršaje miesca atrymała Rasija, druhoje — Biełaruś, treciaje — Kitaj.
Paznajomicca z vynikami spabornictvaŭ u kožnaj naminacyi možna na sajcie armygames2016.mil.ru