U Kobrynskim rajonie piensijanier «prosta tak» zabiŭ u kramie 22-hadovaha chłopca
U viosku Hrušava junak pryjechaŭ da babuli, kab spravić 40 dzion pa baćku.
Małady čałaviek zahinuŭ viečaram 6 žniŭnia. U toj dzień jon zajšoŭ u kramu ŭ vioscy Hrušava. Tam 64-hadovy piensijanier udaryŭ jaho nažom u vobłaść serca. Paciarpieły pamior na miescy. Abłasnyja śledčyja vyśviatlajuć abstaviny hibieli 22-hadovaha chłopca.
Vidavočcy patłumačyli, što kanfliktaŭ pamiž padazravanym i achviaraj nie było, jakich-niebudź pahroz piensijanier nie vykazvaŭ, a nažavoje ranieńnie nanios biespadstaŭna. Dniom raniej u pažyłoha mužčyny byŭ dzień narodzinaŭ i ŭ toj momant jon znachodziŭsia ŭ stanie apjanieńnia, paviedamili ŭ abłasnym upraŭleńni Śledčaha kamiteta.
Zahinuły junak žyŭ u Žabincy i pracavaŭ puciejcam na stancyi «Brest-Centralny». U viosku Hrušava jon pryjechaŭ da babuli, kab spravić 40 dzion pa baćku.
Kobrynski rajonny adździeł Śledčaha kamiteta zavioŭ kryminalnuju spravu.
Padazravanaha zatrymali supracoŭniki orhanaŭ unutranych spraŭ. Ciapier ź im pracujuć śledčyja.
Kryminalnuju spravu rasśledujuć supracoŭniki abłasnoha ŭpraŭleńnia.