Bolš za ŭsio 100-balnikaŭ było na CT pa ruskaj movie i hramadaznaŭstvie
Bolš za ŭsio 100-balnikaŭ u hetym hodzie było na CT pa ruskaj movie i hramadaznaŭstvie, paviedamiŭ na pres-kanfierencyi pieršy namieśnik ministra adukacyi Vadzim Bohuš, paviedamlaje BiełTA.
Pa vynikach CT 330 testaŭ napisanyja na 100 bałaŭ. U 2015 hodzie takich było 277.
Bolš za ŭsio 100-balnikaŭ pa ruskaj movie (86) i hramadaznaŭstvie (62). Pa biełaruskaj movie maksimalny rezultat adznačany ŭ 50 vypadkach, fizicy — 34, zamiežnych movach — 33, matematycy — 25, bijałohii — 25, historyi Biełarusi-14, chimii — 1.
Piatnaccać abituryjentaŭ atrymali 100 bałaŭ pa dvuch vučebnych pradmietach. U 2015 hodzie takich było 11. Try abituryjenty pakazali maksimalny rezultat pa troch vučebnych pradmietach (u 2015 hodzie takija adsutničali).
Maksimalna mahčymy rezultat u biahučym hodzie majuć 276 vypusknikoŭ ustanoŭ ahulnaj siaredniaj adukacyi hetaha hoda (u tym liku 135 vypusknikoŭ himnazij, 39 — licejaŭ, 102 — siarednich škoł), 3 abituryjenty, jakija skončyli ŭ 2016 hodzie ŭstanovy adukacyi za miežami krainy, a taksama 30 vypusknikoŭ minułych hadoŭ.
U cełym rezultaty CT pakazali dastatkova vysoki ŭzrovień padrychtoŭki abituryjentaŭ, kanstatavaŭ Vadzim Bohuš.
Hladzi taksama:
«A jakuju jašče zdavać?» Abituryjenty raspaviadajuć, čamu abrali biełaruskuju movu na CT VIDEA