Kiroŭca rejsavaha aŭtobusa źnik z «pieradačaj» u $11 tysiač. Zatrymali jaho tolki ŭ Rasii
Žančyna pieradała praz kiroŭcu rejsavaha aŭtobusa bujnuju sumu hrošaj u valucie. Ale «pieradača» źnikła razam z kiroŭcam.
Pradprymalnica z Hrodna pazyčyła kalehu ŭ Maskvie 11,5 tysiačy dalaraŭ. Taja vyrašyła viarnuć doŭh praz kiroŭcu, jaki vaziŭ pakupnikoŭ na maskoŭskija rynki. Papiaredziła jaho, što ŭ pakiecie hrošy. Ni adna ź siabrovak z kiroŭcam raniej znajomyja nie byli. Mužčyna vysadziŭ pasažyraŭ u Minsku, a sam źjechaŭ u rodny Viciebsk. Pa darozie kinuŭ aŭtobus, navat nie zakryŭšy jaho. Na pracy bolš nie pakazvaŭsia.
Vyśvietliłasia, što jon jeździŭ na zarobki ŭ susiednija krainy. Jaho zatrymali ŭ Rasii. Kiroŭca śćviardžaŭ, što addaŭ pieradaču patrebnamu mužčynu, choć jaho pavinna była sustrakać žančyna. U vyniku hrošaj jon tak i nie addaŭ. Kiroŭcu za kradziež prysudzili da 4 hadoŭ kałonii ŭzmocnienaha režymu. Taksama jon pavinien viarnuć 22,2 tysiačy rubloŭ pradprymalnicy. Prysud nabyŭ moc, raspaviali ŭ sudzie Kastryčnickaha rajona Hrodna.