Rasijskija ŚMI «źlili» infarmacyju pra transfarmacyju bazy ŭ Chmiejmimie ŭ pastajannuju
Rasieja maje namier zrabić z «Chmiejmima» paŭnavartasnuju vajennuju bazu ŭ Siryi i raźmiaścić tam pastajanny kantynhient Pavietrana-kaśmičnych sił (PKS). Pra heta paviedamlajuć u čaćvier, 11 žniŭnia, «Iźviestija» sa spasyłkaj na pieršaha namieśnika kiraŭnika kamiteta Savieta Fiederacyi pa abaronie Franca Klinceviča.
«Paśla ŭzhadnieńnia pravavoha statusu «Chmiejmim» stanie bazaj rasijskich uzbrojenych sił, tam budzie pabudavana adpaviednaja infrastruktura, i našy vajskoŭcy buduć žyć u hodnych umovach. Hrupoŭka PKS moža być pavialičana zhodna z dvuchbakovymi damoŭlenaściami, ale pakul z punktu hledžańnia vyrašeńnia pastaŭlenych zadač najaŭnych tam sił i srodkaŭ dastatkova», — raspavioŭ sienatar, adznačyŭšy, što jadziernuju zbroju i stratehičnyja bambardziroŭščyki na pastajannaj asnovie na bazie raźmiaščać nie płanujecca.
Krynica vydańnia ŭ Minabarony ŭdakładniła, što płanujecca pašyryć infrastrukturu «Chmiejmima», pabudavaŭšy novuju stajanku dla avijacyjnaj techniki. Pavodle jaho słoŭ, dla pavyšeńnia biaśpieki na bazie moža być uviedziena paasobnaje bazavańnie eskadryllaŭ. Akramia taho, tam źjavicca novaje radyjotechničnaje abstalavańnie, uklučajučy sistemy kiravańnia pavietranym rucham.
Akramia taho, u płanach — stvareńnie ŭmoŭ dla bazavańnia i absłuhoŭvańnia ciažkaj transpartnaj avijacyi. «Buduć pabudavany i stacyjanarnyja abjekty ŭ harnizonie — kazarmy, stałovyja, špital, a akramia taho, buduć abstalavany pazicyi dla zienitnych rakietna-harmatnych kompleksaŭ «Pancyr», jakija achoŭvajuć aeradrom», — dadała krynica.
9 žniŭnia staršynia kamiteta Savieta Fiederacyi pa abaronie i biaśpiecy Viktar Azioraŭ zajaviŭ, što rasijskaja vajennaja avijabaza ŭ Siryi dazvolić arhanizavać bolš apieratyŭnuju dastaŭku srodkaŭ PKS u haračyja kropki pa ŭsim śviecie.
Raniej u toj ža dzień prezident Uładzimir Pucin unios na ratyfikacyju ŭ Dziarždumu prajekt pahadnieńnia pamiž Rasijaj i Siryjaj ab biesterminovym raźmiaščeńni avijahrupy Uzbrojenych sił RF u rajonie aeradroma Chmiejmim u pravincyi Łatakija.
Rasieja razharnuła ŭ Siryi hrupoŭku avijacyi i zabiaśpiečvalnych padraździaleńniaŭ u vieraśni 2015 hoda, i z 30 vieraśnia samaloty ŭklučylisia ŭ naniasieńnie udaraŭ pa radykalnych isłamisckich hrupoŭkach. Padstavaj dla hetaj apieracyi pasłužyła prośba prezidenta Arabskaj Respubliki Bašara Asada ab akazańni vajennaj dapamohi. 14 sakavika 2016 hoda Pucin addaŭ zahad vyvieści ź Siryi asnoŭnuju častku rasiejskaha vajskovaha kantynhientu, pakolki vajskoŭcy vyrašyli praktyčna ŭsie pastaŭlenyja pierad imi zadačy.