Arhanizatary prajekta «Muziei Biełarusi» zamianili biłbord z hramatyčnymi pamyłkami FOTA
Kuratar prajekta «Muziei Biełarusi» aficyjnym kamientarom pryniesła prabačeńni za hramatyčnyja pamyłki na biłbordzie i padziakavała uvažlivym čytačam za zaŭvahu. Užo siońnia novy biłbord biez pamyłak byŭ raźmieščany na tym ža miescy, dzie i papiaredni.
«Arfahrafičnyja pamyłki na biłbordzie źjavilisia z-za taho, što spracavaŭ čałaviečy faktar, — patłumačyła kuratar prajekta Ksienija Tarasievič. — Byli pierabłytany fajły, i ŭ druk byŭ nakiravany pamyłkovy varyjant. Prosim prabačeńnia va ŭvažlivych čytačaŭ i dziakujem za toje, što zaŭvažyli hetyja pamyłki».
Abnoŭlenaja rekłama biez hramatyčnych pamyłak siońnia była raźmieščana pa tym ža adrasie i na praciahu bližejšych dzion źjavicca pa niekalkich inšych adrasach.