«Palihraf pakazaŭ, što trapleńnie mieldoniju ŭ arhanizm Siły nie źviazanaje ź jaho śviadomaściu»
Namieśnik staršyni Biełaruskaj fiederacyi tekvando Andrej Čučvał prakamientavaŭ infarmacyju ab adchileńni Armana Maršała Siły za ŭžyvańnie dopinhu i zajaviŭ ab nievinavataści spartsmiena.
— Na čym, akramia niemetazhodnaści ŭžyvańnia mieldoniju, hruntujecca upeŭnienaść u nievinavataści spartsmiena i jaho treniera?
— Siońnia, u niadzielu, Siła i jaho asabisty trenier Julija Suchavickaja prajšli abśledavańnie na palihrafie. Jak my i mierkavali, u pamiaci hetych ludziej niama infarmacyi ab užyvańni jakoha-niebudź dopinhu. To bok trapleńnie zabaronienaha preparata ŭ arhanizm nie źviazana ź ich śviadomaściu.
— Jak dadzienyja hetaha daśledavańnia dapamohuć vam dalej?
— U nas jość svaja kantrolna-dyscyplinarnaja kamisija, jakaja budzie inicyjavać źmiakčeńnie viny ŭdzielnika paśla zvarotu ŭ sud. Jość statut WADA, jaki dazvalaje rabić heta pry adsutnaści viny spartsmiena. Vyniki daśledavańnia ŭličvajucca sudom pry vyniasieńni rašeńnia, — skazaŭ Čučvał.